სპალეტი: ,,ჩვენი მიზანია, იტალიელების ნათქვამი - ,,ვამაყობთ თქვენით'' მოვისმინოთ''
6 თვის წინ
ფეხბურთი
1 წთ
იტალიის ეროვნული ნაკრების მთავარმა მწვრთნელმა, ლუჩიანო სპალეტიმ, მომავალ ევროპის ჩემპიონატზე ისაუბრა:
,,ეს ძალიან მნიშვნელოვანი ტურნირია და მზად უნდა ვიყოთ! ენთუზიაზმით სავსე ვართ და ვგრძნობთ, რომ მთელი იტალია ჩვენ გვერდითაა. ჩვენი მიზანია, გერმანიიდან დავბრუნდეთ და იტალიელების ნათქვამი - ,,ჩვენ ვამაყობთ თქვენით'' მოვისმინოთ.
ჩემს კარიერაში საუკეთესო მომენტია. სამოთხეში ვარ, ეროვნულ გუნდს ევროპის ჩემპიონატისთვის ვამზადებ. როგორც უკვე ვთქვი, ვეცდები, რომ მაქსიმუმი გავაკეთო, მაგრამ, არ ვიცი, ეს საკმარისი იქნება თუ არა.
ძლიერი ფეხბურთელები გვყავს და მათთან ერთად გუნდი უნდა შევქმნათ, თუ ეს გამოგვივა, დარწმუნებული ვარ, რომ უძლიერეს მეტოქეებთან კონკურენციას შევძლებთ.'' - ლუჩიანი სპალეტი
იტალიის ეროვნული ნაკრები ევრო 2024-ის B ჯგუფში ესპანეთის, ალბანეთისა და ხორვატიის ნაკრებებთან ერთად იასპარეზებს.
ევროპის მოქმედი ჩემპიონები პირველ მატჩს 15 ივნისს, ალბანეთის წინააღმდეგ გამართავენ.
სხვა სტატიები
.32.webp)
