სკალონი: ,,ბოლივიასთან სათამაშოდ მესი მზად არ იყო''

არგენტინის ეროვნული ნაკრების მთავარმა მწვრთნელმა, ლიონელ სკალონიმ, ლეო მესიზე ისაუბრა, რომელმაც ბოლივიასთან გამართული მატჩი გამოტოვა:

,,მესი თამაშისთვის მზად არ იყო. გუშინ თავს კომფორტულად ვერ გრძნობდა და არ გავრისკეთ,

გვინდოდა, რომ გუშინ ევარჯიშა, მაგრამ არც უცდია.'' - სკალონის სიტყვებს Goal.com-ი ციტირებს.

მსოფლიო ჩემპიონატის საკვალიფიკაციო ეტაპის შეხვედრაში არგენტინამ ბოლივიას სტუმრად 3:0 მოუგო.

სკალონის გუნდი 2 ტურის შემდეგ 6 ქულით სატურნირო ცხრილის მეორე პოზიციაზეა.

,,ალბისელესტე'' მომავალ მატჩს 13 ოქტომბერს, პარაგვაის წინააღმდეგ გამართვს.