"სინამდვილეში, თამაში არ გვინდოდა" - რატომ განახლდა დანიისა და ფინეთის მატჩი? 

"ვცდილობდი კრისტიანის დასახმარებლად ყველაფერი გამეკეთებინა, რისი გაკეთებაც ასეთ სიტუაციაში შესაძლებელი იყო. ძალიან რთული სიტუაცია იყო, მაგრამ ახლა, როცა ვიცი, რომ მის თავს ყველაფერი კარგადაა, თავს უფრო მშვიდად ვგრძნობ. იმ მომენტში ძალიან ბევრ რამეზე ვფიქრობდი და მაშინ ჩემთვის პირველი პრიორიტეტი ფეხბურთი ნამდვილად არ ყოფილა. ასევე, მინდა ცალკე ვისაუბრო უეფას მიერ გამოქვეყნებულ ტექსტზე, რომელიც ჩვენს მიერ თამაშის გაგრძელების სურვილს გულისხმობდა. არანაირი სურვილი არ ყოფილა. ორი ვარიანტი მოგვცეს: მატჩი ან მეორე დღეს უნდა გადაედოთ, ან შეხვედრა იმავე საღამოს დასრულებულიყო, რის შემდეგაც მათ თქვეს, რომ გადაწყვეტილება უნდა მიგვეღო. ვისურვებდი ასეთ სიტუაციაში მქონდეს არჩევის მესამე ვარიანტი - საერთოდ არ ვთამაშობდე. ასეთ მომენტში მოედანზე ფეხის დადგმაც არ გინდა. ცხადია, ყველამ მშვენივრად იცოდა, რომ იმ ღამით ვერავინ დაიძინებდა. ამიტომ, თამაში რომ გადადებულიყო, მეორე დღეს  მოედანზე შესვლის შანსი არ გვექნებოდა", - თქვა "ბარსელონას" მეცხრე ნომერმა.