სიმეონე: "ჩვენს ზურგს უკან ორი მონსტრია"

"ჩვენ შეგვექმნა ილუზია, რომ კვლავ გავიმარჯვებდით და უახლოეს მდევრებთან უპირატესობას გავიმყარებდით. ვფიქრობ, რომ გუნდმა კარგად ითამაშა, თუმცა ვერ მოვიგეთ, მაგრამ ახლა სიმშვიდე უნდა შევინარჩუნოთ. რთულია მთელი სეზონის მანძილზე დამაჯერებლად ასპარეზობა, ჩვენ ვიცით, რომ "რეალი" და "ბარსელონა" სეზონის ბოლომდე აღარ წააგებენ. ნორმალურია, რომ სეზონის ბოლოსკენ ზეწოლა ძლიერდება. ჩვენ თითქმის მთელი ამ პერიოდის განმავლობაში საუკეთესოები ვიყავით. წინ კიდევ 11 შეხვედრაა გასამართი". "ხალხი საუბრობდა, რომ "ბარსელონა" ძალიან ცუდად გამოიყურება, თუმცა ყველამ ვნახეთ, როგორც ითამაშა გუნდმა პარიზში. მათ ახალი პრეზიდენტი ჰყავთ და ენთუზიაზმით აღსავსე არიან". "მადრიდის "რეალი" ყოველთვის პოულობს გზას გამარჯვებისთვის და ქულების მოსაგროვებლად. თუმცა ჩვენ მუშაობა უნდა განვაგრძოთ და ჩვენს გზას მივყვეთ. ჩვენს ზურგს უკან ორი მონსტრია, რომლებსაც ჩვენს ადგილას ყოფნა სურთ".