შტურმმა ზალცბურგი გაანადგურა - რა შეფასება დაიმსახურა ოთარ კიტეიშვილმა?!

ავსტრიის ბუნდესლიგის მე-9 ტურის ცენტრალურ შეხვედრაში, ჩემპიონატის ლიდერების, "შტურმისა" და "ზალცბურგის" დაპირისპირება შედგა.

გრაცში გამართული მატჩი, მასპინძლების დომინაციით წარიმართა და საბოლოოდ "შტურმის" გამარჯვებით, 5:0 დასრულდა.

"ზალცბურგის" წინააღმდეგ მოპოვებულ გამარჯვებაში ლომის წილი ოთარ კიტეიშვილმა დაიდო, რომელმაც მართალია თავი გოლით ან საგოლე გადაცემით არ გამოიჩინა, მაგრამ 86 წუთი ითამაშა და მოედანზე ერთ-ერთი გამორჩეული იყო.

კიტეს კარგ თამაშს უყურადღებოდ არ ჩაუვლია - sofascore-მ ქართველი ფეხბურთელის თამაში 7.6 ქულით, ხოლო flashscore-მა 7.7 ქულით შეაფასა.

ბუნდესლიგის მე-10 ტურის მატჩში, "შტურმი" "გრაცერს" დაუპირისპირდება. შეხვედრა 19 ოქტომბერს, 19:00 საათზე გაიმართება.