"შეხედეთ სად არიან ახლა" | ერიკ ტენ ჰაგი მანჩესტერ იუნაიტედს აფრთხილებს

მანჩესტერ იუნაიტედის ყოფილი მწვრთნელი, ერიკ ტენ ჰაგი ფიქრობს, რომ გუნდს შესაძლოა, პრემიერ ლიგიდან გავარდნის საფრთხე დაემუქროს. ნიდერლანდელი სპეციალისტის აზრით, ინგლისის ჩემპიონატში არსებული მაღალი კონკურენციის გათვალისწინებით, მაიკლ კერიკის ხელმძღვანელობით, იუნაიტედი შესაძლოა, წარმოუდგენელი შედეგების წინაშე აღმოჩნდეს.

ტენ ჰაგის ეს განცხადება, ჩელსისთან მარცხს მოჰყვა. მანჩესტერმა, ლონდონელებთან 2:0 წააგო და ცხრა ტურის შემდეგ, მხოლოდ 7 ქულა აქვს და მე-17 ადგილზეა. იუნაიტედი გასავარდნ ზონაში მყოფ კრისტალ პალასს მხოლოდ ბურთების შეფარდებით უსწრებს. "წითელი ეშმაკები", ყველა ტურნირზე, ზედიზედ ცხრა მატჩია ვერ იმარჯვებენ. Opta-ს მონაცემებით, ეს მათთვის, ყველაზე ხანგრძლივი მოუგებელი სერიაა 1984 წლის შემდეგ.

ერიკ ტენ ჰაგმა, კითხვას, ემუქრება თუ არა იუნაიტედს პრემიერ ლიგიდან გავარდნა, პირდაპირ უპასუხა. ნიდერლანდელმა მთავარ ფაქტორად ჩემპიონატის მაღალი დონე და კონკურენცია დაასახელა.

ტენ ჰაგი "ოლდ ტრაფორდზე" 2022 წელს მივიდა. ნიდერლანდელი გუნდიდან, საკმაოდ მცირე დროში, 2024 წელს გაათავისუფლეს. მაგრამ ამ ორი წლის განმავლობაში, ტენ ჰაგმა მანჩესტერ იუნაიტედს ინგლისის ასოციაციის თასი და ლიგის თასი მოაგებინა.