სერხიო რამოსი სევილიაში დაბრუნდა

18 წლის შემდეგ სერხიო რამოსი ,,სევილიას'' დაუბრუნდა. ინფორმაციას ანდალუსიური გუნდის ოფიციალური ვებგვერდი ავრცელებს.

37 წლის ფეხბურთელმა, რომელიც თავისუფალი აგენტი იყო, კლუბთან 1-წლიანი კონტრაქტი გააფორმა.

ზაფხულში ესპანელის გადაბირებით რამდენიმე თურქული გუნდი და ,,ალ იტიჰადი'' ინტერესდებოდა, თუმცა სერხიომ სამშობლოში დაბრუნება არჩია.

რამოსმა გასული სეზონი ,,პარი სენ ჟერმენში'' გაატარა, სადაც 45 შეხვედრაში 4 გოლი გაიტანა და 1 საგოლე გადაცემა მიითვალა.

ლა ლიგის 3 ტურის შემდეგ, ,,სევილია'' უქულოდაა და სატურნირო ცხრილში ბოლო ადგილს იკავებს.