სენეგალელი ფეხბურთელი საკუთარ ნაკრებს დაემუქრა

სენეგალი, მსოფლიო ჩემპიონატის 1/16-ფინალში, ბელგიასთან დამარცხდა და ტურნირს გამოეთიშა. ამ მატჩის შემდეგ კი, სენეგალისა და ვილიარეალის ფეხბურთელმა, პაპე გეიემ, სამწვრთნელო შტაბის მისამართით, უკმაყოფილება გამოთქვა და მათ ნაკრებიდან წასვლითაც დაემუქრა.

აფრიკელთათვის, 1/16 - ფინალური შეხვედრა ფანტასტიკურად მიდიოდა. ჰაბიბ დიარასა და ისმაილა სარის გოლების წყალობით, გუნდი 2:0 იგებდა. მაგრამ ბელგიამ თამაში მაინც შემოატრიალა. 86-ე წუთზე, რომელუ ლუკაკუმ სხვაობა შეამცირა, ხოლო 89-ე წუთზე, იური ტილემანსმა ანგარიში გაათანაბრა და თამაში დამატებით დროში გადავიდა. იქ კი ბელგიამ, შეხვედრის 125-ე წუთზე, ისევ იური ტილემანსის პენალტიდან გატანილი გოლის წყალობით მოიგო.

თავის მხრივ, მარცხზე გუნდის მთავარმა მწვრთნელმა, პაპე ტიაუმაც ისაუბრა.

მიუხედავად იმისა, რომ სენეგალი ჯგუფიდან მესამე ადგილით გავიდა, ამ გუნდმა თავისი ბრძოლისუნარიანობით თავი მაინც დაგვამახსოვრა და მცირე უიღბლობის გამო, ტურნირს გამოეთიშა. ბელგია კი, თავის მხრივ, მერვედფინალში გავიდა სადაც თანამასპინძელ ამერიკას შეხვდება.