"საუდის არაბეთის პრო ლიგის გუნდი ლეო მესის ტრანსფერზე მუშაობს" - L’Équipe

საუდის არაბეთის გუნდმა ალ აჰლიმ მესის ტრანსფერზე მუშაობა დაიწყო, ინფორმაციას L’Équipe აქვეყნებს. 2 წლის წინ, პსჟ-დან წასვლის შემდეგ საუდის არაბეთის პრო ლიგის გუნდი არგენტინელი ლეგენდის დამატებას ცდილობდა, მაგრამ მესიმ შეთავაზებაზე უარი თქვა და ინტერ მაიამიში გადასვლა გადაწყვიტა.

ლეო მესის აშშ-ს გუნდთან კონტრაქტი დეკემბერში ეწურება, მაიამის კი მის შესანარჩუნებლად წინ დიდი კონკურენცია ელის.

L’Équipe-ის ცნობით, აზიის ჩემპიონთა ლიგის გამარჯვებული ალ აჰლი უკვე რამდენიმე კვირაა კლუბში გადასვლაზე ფეხბურთელის დარწმუნებას ცდილობს. ფინანსური დეტალები ჯერჯერობით არ გაჟღერებულა.