საწყისი მუნდიალის შემდეგ პირველად | აშშ-ს ნაკრების რეკორდი საშინაო მსოფლიოს ჩემპიონატზე

ამერიკის შეერთებული შტატების ნაკრებმა საკუთარ კედლებში მიმდინარე 2026 წლის მსოფლიო ჩემპიონატზე, ბრწყინვალე შედეგი აჩვენა. ჯგუფური ეტაპის მეორე ტურში ამერიკელებმა ავსტრალია 2:0 დაამარცხეს, რითაც ტურნირის პლეიოფის საგზური ვადაზე ადრე გაინაღდეს.

ანალიტიკური კომპანია Opta-ს მონაცემებით, აშშ-ის ნაკრებმა მსოფლიო ჩემპიონატების ისტორიაში ზედიზედ ორი მატჩის მოგება 1930 წლის შემდეგ პირველად შეძლო. მიმდინარე მუნდიალის სასტარტო შეხვედრაში მასპინძლებმა პარაგვაის ნაკრებს დამაჯერებლად 4:1 აჯობეს და მსოფლიოს ჩემპიონატის მატჩში 4 გოლი სადებიუტოდ გაიტანეს.

ისტორიული პარალელები: დაბრუნება საწყისებთან

აქამდე, მსგავსი შედეგი ამერიკელებს თითქმის საუკუნის წინ, ფეხბურთის ისტორიაში პირველ, 1930 წლის მსოფლიო ჩემპიონატზე ჰქონდათ. მაშინ აშშ-ის გუნდმა ჯგუფურ ეტაპზე ბელგიასა და პარაგვაის იდენტური ანგარიშით, 3:0 მოუგო.

მაურისიო პოჩეტინოს დამოძღვრილმა გუნდმა არა მხოლოდ ქვეყნის საფეხბურთო ისტორია გააცოცხლა, არამედ საკუთარ გულშემატკივარს იმედი ჩაუსახა, რომ ამ საშინაო მუნდიალზე გუნდს გაცილებით შორს წასვლა და სენსაციის მოხდენა შეუძლია.

აშშ-ს ნაკრები 6 ქულით ჯგუფის ლიდერია, პარაგვაისა და ავსტრალიას 3-3 ქულა აქვთ, ხოლო თურქეთის ნაკრები უქულოდ მეოთხე პოზიციას იკავებს. დასკვნით ტურში ავსტრალია პარაგვაის, ხოლო თურქეთის ნაკრები ტურნირის მასპინძელ ამერიკას უნდა შეხვდეს.