სანიოლის ასისტენტი: "ლივერპულელებმა ჯერ არ იციან, რომ მამარდაშვილის ძალა მის ხასიათშია"

გიორგი მამარდაშვილის განსაკუთრებული უნარების შესახებ, საქართველოს ნაკრების მთავარი მწვრთნელის ასისტენტმა, დევიდ უებმა ისაუბრა. ის აცხადებს, რომ გიორგი ულაპარაკოდ არის "ლივერპულის" დონის მეკარე და ამ კლუბში ჯერ კიდევ არ იციან, თუ საიდან მოდის ქართველის ის ძალა, რასაც მინდორზე გვანახებს. უების ეს კომენტარი ინგლისურმა მედიამ გამოაქვეყნა.

გიორგი მამარდაშვილი ლივერპულმა ამ წლის ზაფხულში, "ვალენსიადან", 29 მილიონი ფუნტის სანაცვლოდ შეიძინა, თუმცა გიორგი კიდევ ერთი წლით, იჯარის წესით დარჩა ვალენსიაში და წითლებს მომავალ ზაფხულს შეუერთდება. არსებობს ვარაუდი, რომ ალისონი გუნდს დატოვებს, ამიტომ ქართველი მეკარე მერსისაიდელების ნომერ პირველ მეკარედ განიხილება.