'სამეფო კლუბში' ტრავმების ეპიდემიაა - რეალს სელტასთან 9 ფეხბურთელი დააკლდება
'სამეფო კლუბი' ლა ლიგის 27-ე ტურს უდიდესი დანაკლისით შეხვდება. მადრიდის რეალი სტუმრად სელტასთან ითამაშებს და ბარსელონასთან სხვაობის შემცირებას ეცდება.
თუმცა, საკმაოდ მძიმე მდგომარეობაა 'სამეფო კლუბის' ლაზარეთში - მათ სელტასთან მატჩისთვის 9 ფეხბურთელი დააკლდებათ, აქედან 3 მატჩს დისკვალიფიკაციის გამო გამოტოვებს, 6 ფეხბურთელი კი ტრავმირებულია.
დავიდ ალაბა (კუნთის დაზიანება)
ჯუდ ბელინგემი (ბარძაყის უკანა კუნთის დაზიანება)
დანი სებალიოსი (კუნთის დაზიანება)
ედერ მილიტაო (ბარძაყის უკანა კუნთის დაზიანება)
კილიან მბაპე (მუხლის დაზიანება)
როდრიგო (მუხლის კუნთების დაზიანება)
ალვარო კარერასი (დისკვალიფიკაცია)
დინ ჰუისენი (დისკვალიფიკაცია)
ფრანკო მასტატუანო (წითელი ბარათი - დისკვალიფიკაცია)
ეს იმ ფეხბურთელების სრული ჩამონათვალია, რომლებიც სელტასთან მატჩს ტრავმისა და დისკვალიფიკაციის გამო გამოტოვებენ.
❌ Rodrygo: Đứt dây chằng (nghỉ hết năm 2026).
— 8X Góc Khán Đài (@8xgockhandai) March 4, 2026
❌ Eder Militao: Đứt dây chằng.
❌ Kylian Mbappe: Bong gân đầu gối.
❌ Jude Bellingham: Chấn thương gân kheo.
❌ David Alaba: Chấn thương cơ.
❌ Dani Ceballos: Chấn thương cơ bắp chân#8xbet #RealMarid pic.twitter.com/pqt8LDDsLi
ასევე ესპანურ მედიაში იწერება, რომ თუ რეალი სელტას ვერ მოუგებს, დიდი შანსია, რომ კლუბის მთავარი მწვრთნელი - ალვარო არბელოა კლუბიდან დაითხოვონ.
ასე და ამგვარად, 'სამეფო კლუბის' გულშემატკივრებს მთავარი კითხვა აწუხებთ - იქნებიან თუ არა ზემოთ ჩამოთვლილი ფეხბურთელები ჩემპიონთა ლიგისთვის მზად, სადაც მადრიდის რეალი მანჩესტერ სიტის დაუპირისპირდება.
სელტა Vs. რეალის დაპირისპირება პარასკევს 6 მარტს, თბილისის დროით 23:55 საათზე შედგება.
სხვა სტატიები
