სალაჰი თურქეთის მოქალაქეობას მიიღებს და სახელმწიფო მედლით დაჯილდოვდება
თურქულ სპორტულ მედიაში გავრცელებული უახლესი ცნობების თანახმად, ეგვიპტელი „ფარაონი“ და ტრაბზონსორის ლიდერი - მოჰამედ სალაჰი თურქეთის მოქალაქეობას მიიღებს. გარდა ამისა, გავრცელებული ინფორმაციით, რომელსაც ჟურნალისტი მოჰამედ კაუდი ავრცელებს, საზოგადოებისა და სპორტის განვითარებაში შეტანილი განსაკუთრებული წვლილისთვის, მას საზეიმო ვითარებაში ქვეყნის ერთ-ერთი უმაღლესი ჯილდო - „სახელმწიფო მედალი გამოჩენილი დამსახურებისთვის“ გადაეცემა.
🚨 𝗡𝗘𝗪: Mohamed Salah can possibly be granted Turkish citizenship.
— The Touchline | 𝐓 (@TouchlineX) November 3, 2026
His overall explosion around the sport and the tourism in the country is what can make him a candidate for it. pic.twitter.com/aKBq1gs940
მოჰამედ სალაჰის ტრანსფერი თურქულ ტრაბზონსორში ზაფხულის სატრანსფერო ფანჯრის ერთ-ერთი მთავარი სენსაცია იყო, რამაც ადგილობრივი გმაშტაბით უპრეცედენტო აჟიოტაჟი გამოიწვია. თურქეთში გადასვლის შემდეგ ეგვიპტელმა ვარსკვლავმა მალევე დაამტკიცა საკუთარი მაღალი კლასი - მან შთამბეჭდავად დაიწყო ასპარეზობა როგორც შიდა ჩემპიონატში (სუპერლიგაში), ისე ევროთასებზე, სადაც მნიშვნელოვანი გოლებითა და შედეგიანი გადაცემებით ტრაბზონსორის მთავარ მამოძრავებელ ძალად იქცა.
ასეთი მასშტაბური გავლენა მხოლოდ საფეხბურთო მოედანს არ სცდება: სალაჰის გამოჩენამ თურქეთში ქვეყნის პოპულარიზაციასა და ტურიზმის განვითარებაზეც უზარმაზარი გავლენა იქონია. სწორედ ამ წარმატებისა და ქვეყნის სპორტულ ცხოვრებაში შეტანილი ისტორიული წვლილის აღიარებად უნდა ჩაითვალოს თურქეთის ხელმძღვანელობის გადაწყვეტილება, რომელიც სალაჰისთვის საპატიო მოქალაქეობის მინიჭებასა და სახელმწიფო დონეზე დაჯილდოვებას ითვალისწინებს.
სხვა სტატიები
-of-Portugal-celebrates-with-a-teammate-during-the-match-between-Portugal-and-Japan-at-the-Vlatko-Markovic-Under-15-youth-tournament.300.webp)
