საბა გოგლიჩიძის შეფასება უდინეზესთან მატჩში

სერია A-ს მე-13 ტურის შეხვედრა ,,ემპოლისა'' და ,,უდინეზეს'' შორის ფრედ, ანგარიშით 1:1 დასრულდა.

,,ემპოლის'' ძირითად შემადგენლობაში ითამაშა საბა გოგლიჩიძემ, რომელმაც მატჩი სრულად ჩაატარა.

საბამ Sofascore-სგან 6.6-ქულიანი შეფასება მიიღო. 20 წლის მცველმა, რომელიც ბურთს სულ 48-ჯერ შეეხო, 8-დან 3 დუელი მოიგო და 32-დან 22 (69%) ზუსტი გადაცემა გააკეთა.

ასევე 6.6 ქულით შეაფასა გოგლიჩიძის თამაში Whoscored-მა, 6.9-ით კი Flashscore-მა.

,,ემპოლი'', რომელიც 13 ტურის შემდეგ 16 ქულით სატურნირო ცხრილის მე-10 პოზიციაზეა, სერია A-ს მომავალ შეხვედრას 30 ნოემბერს, ,,მილანის'' წინააღმდეგ გამართავს.