"რონალდუმ უფრო მეტი იმედგაცრუება გამოიწვია ვიდრე მესიმ",- ანტონიო დი ჯენარო
3 წლის წინ
ფეხბურთი
2 წთ
" დრო ყველასთვის ერთნაირად გადის, მიმაჩნია, რომ რონალდუმ უფრო მეტი იმედგაცრუება გამოიწვია, ვიდრე მესიმ. "პორტუსთან" შეხვედრაში კრიშტიანუ აბსოლუტურად გამოთიშული იყო მატჩის მიმდინარეობას. ასეთ მდგომარეობაში მე ის არადროს მინახავს. მიუხედავად "პორტუსადმი" დიდი პატივისცემისა, ასეთი გამოვარდნა ასპარეზობიდან ისეთი ბრწყინვალე გუნდისთვის, როგორიც "იუვენტუსია", ყოვლად მიუღებელია. საჭიროა, რომ მიზეზები დეტალურად იქნას გაანალიზებული. "იუვენტუსი" უნდა ხვდებოდეს, თუ რა მოხდება შემდეგ სეზონში".აღსანიშნავია, რომ ჩემპიონთა ლიგის 2004-05 წლების სეზონის შემდეგ პირველადაა, რომ მეოთხედფინალში ვერც რონალდუ და ვერც მესი ვერ მიიღებენ მონაწილეობას. "ბარსელონა" მერვედფინალში ორ მატჩის ჯამში "პარი სენ-ჟერმენთან" 5:2 დამარცხდა, თუმცა რონალდუსგან განსხვავებით საპასუხო მატჩში მიუხედავად გაფუჭებული პენალტისა ლეო მესიმ თავის გამოჩენა ბრწყინვალე გოლით შეძლო. რამდენად სამართლიანი, რომ ბოლო წლებში "იუვენტუსის" ჩემპიონთა ლიგაზე წარუმატებლობა მხოლოდ რონალდუს დაბრალდეს, ცალკე საკითხია, თუმცა "პორტუსთან" ორმატჩიან დაპირისპირებაში "ოქროს ბურთის" ხუთგზის მფლობელმა ნამდვილად ცუდი შთაბეჭდილება დატოვა.
სხვა სტატიები
