რონალდუმ სკუდეტოს მოგება იახტის შეძენით აღნიშნა
3 წლის წინ
ფეხბურთი
2 წთ
კრიშტიანუ რონალდუმ კიდევ ერთი ჩემპიონობის მოგება იახტის შეძენით აღნიშნა. იტალიის სერია A-ში ზედიზედ მეორე ტრიუფმის შემდეგ, პორტუგალიელმა სუპერვარსკვლავმა 5.5 მილიონ ევროდ შეფასებული, ფეშენებელური წყლის ტრანსპორტი შეიძინა. ამის შესახებ გულშემატკივრებს 35 წლის ფეხბურთელის მეუღლემ ჯორჯიანა როდრიგესმა, Instagram-ის მეშვეობით ამცნო.
5 ოქროს ბურთის მფლობელის იახტას 5 კაბინა, 6 სველი წერტილი, დიდი დარბაზი და სამზარეულო აქვს. კრიშტიანუმ 2019/20 წლების სეზონში "ბებერი ქალბატონის" მაისურით 45 მატჩში მიიღო მონაწილეობა, 35 გოლი გაიტანა და 7 საგოლე გადაცემა გააკეთა.