რონალდუმ მსოფლიოს საკვალიფიკაციოზე გატანილი გოლებით მესის გადაასწრო

კრიშტიანუ რონალდუმ, მსოფლიო ჩემპიონატის შესარჩევ ეტაპზე გატანილი გოლების რაოდენობით, ლიონელ მესის კიდევ ერთხელ გადაასწრო.

პორტუგალიელმა თავდამსხმელმა, 2026 წლის მსოფლიო ჩემპიონატის შესარჩევ ეტაპზე, სომხეთის წინააღმდეგ (5:0) დუბლი შეასრულა. რონალდუს მსოფლიო ჩემპიონატის შესარჩევ ეტაპებზე 38 გოლი აქვს გატანილი, ამგვარად ის ისევ წინაა მესისთან შედარებით (36 გოლი), რომელმაც პარასკევს ვენესუელასთან (3:0) მატჩში 2 გოლი გაიტანა.

საერთო ჯამში, რონალდუ მუნდიალის საკვალიფიკაციოზე გატანილი გოლების რაოდენობით მეორე ადგილზეა და მხოლოდ ერთი გოლით ჩამორჩება გვატემალელ კარლოს რუისს (39).

სიაში მეოთხე ადგილზეა ირანელი ალი დაეი (35), ხოლო მეხუთეზე - პოლონელი რობერტ ლევანდოვსკი (31).