რონალდუ: "მოდრიჩს ვუთხარი, რომ ის ჩემი ერთ-ერთი საუკეთესო მეგობარია"
1 დღის წინ
ფეხბურთი
1 წთ
ხორვატიასთან გამართული დრამატული და ურთულესი 1/16-ფინალური მატჩის შემდეგ (2:1), პორტუგალიის ნაკრების ვარსკვლავმა, კრიშტიანუ რონალდუმ ჟურნალისტებთან ისაუბრა.
გზავნილი ბრაზილიელი ფანებისთვის? ბრაზილიაზე საუბრისას ყოველთვის განსაკუთრებული გრძნობა მეუფლება. ეს მხოლოდ იმიტომ არ ხდება, რომ იქ ჩემი ოჯახის წევრებიც ცხოვრობენ. მე უბრალოდ ძალიან მიყვარს ბრაზილიელი ხალხი. ისინი ჩემი პროფესიონალური კარიერის განმავლობაში, მთელი ამ წლების მანძილზე, ყოველთვის მხარს მიჭერდნენ. მინდა თითოეულ მათგანს დიდი მოკითხვა გავუგზავნო.
მოდრიჩთან ერთად ბევრი წელი ვითამაშე და უბრალოდ საოცარია იმის ნახვა, რომ ის კვლავ ასეთ უმაღლეს დონეზე აგრძელებს ასპარეზობას. მატჩის შემდეგ მასთან მივედი და ვუთხარი: გილოცავ ლუკა და წარმატებები შენს მომავალ კარიერაში. ასევე ვუთხარი, რომ ძალიან დიდ პატივს ვცემ და ჩვენ დიდი ხნის ძალიან კარგი მეგობრები ვართ...
რაც შეეხება გამარჯვებას, მძიმე ბრძოლა გამოვიდა და ბედნიერი ვარ, რომ შემდეგ ეტაპზე თამაშის უფლება მოვიპოვეთ. წინ დიდი მატჩი გველოდება, ხვალიდან სრულად ამ დაპირისპირებაზე დავიწყებთ ფიქრს..." - კრიშტიანუ რონალდუ
კრიშტიანუ რონალდუმ დღეს ხორვატიის წინააღმდეგ გოლის გატანა თერთმეტმეტრიანიდან შეძლო, რითაც იგი მუნდიალების ისტორიაში ყველაზე ასაკოვანი ფეხბურთელი გახდა, რომელმაც პლეი-ოფში გოლი გაიტანა (41 წლის).
პორტუგალიისა და ესპანეთის დაპირისპირება 6 ივლისს, თბილისის დროით 23:00 საათზე დაიწყება.
სხვა სტატიები
