რონალდუ ალ ნასრში საკუთარ წესებს აწესებს და ბრუნოსთან მოლაპარაკებას აწარმოებს

კრიშტიანუ რონალდუმ ალ ნასრის პროექტის წარმატებით გასაგრძელებლად მკაფიო გეგმა შეიმუშავა, რომელიც უპირველეს ყოვლისა ერთ მთავარ მოთხოვნას ეფუძნება - სატრანსფერო პოლიტიკაზე სრული კონტროლის დაწესებას.

მედიაში გავრცელებული ცნობების თანახმად, პორტუგალიის ნაკრების კაპიტანი კატეგორიულად ითხოვს, რომ სპორტული დირექტორის, სიმეუსა და აღმასრულებელი დირექტორის, სემედოს საქმიანობაში არავინ ჩაერიოს. მისი ხედვა მარტივია: მათ უნდა მიეცეთ სრული თავისუფლება, რათა შეარჩიონ ფეხბურთელები და ჩამოაყალიბონ გუნდი, რომელიც შიდა ჩემპიონატსა თუ კონტინენტურ ტურნირებზე უმაღლესი მიზნებისთვის იბრძოლებს. რონალდუს არ სურს მისმა გუნდმა ფეხბურთელები მხოლოდ 'სახელების' გამო დაიმატოს.

ალ ნასრის ხელმძღვანელობაში გაჩნდა სერიოზული ინიციატივა, რომ ოფიციალური კონტაქტი დამყარდეს ბრუნო ფერნანდეშთან. პირველ ეტაპზე გეგმა ნახევარმცველის ფინანსური მოთხოვნების მოსინჯვას ითვალისწინებს, რაც შესაძლო ოფიციალური მოლაპარაკებების წინაპირობა გახდება.

კრიშტიანუ აქტიურად ცდილობს, საკუთარი თანამემამულე საუდის არაბეთის პრო ლიგის პროექტის პერსპექტიულობაში დაარწმუნოს. მას იმედი აქვს, რომ ისარგებლებს მანჩესტერ იუნაიტედში კონტრაქტის გახანგრძლივების შეფერხებული პროცესით და ბრუნოს დაყოლიებას მიმდინარე სატრანსფერო ფანჯრისას შეძლებს.