რონალდინიო დემბელეზე: "ბრაზილიელივით თამაშობს"

უსმან დემბელე, რომელმაც "ბარსელონაში" გატარებული დროის შემდეგ კულეებს თავი ვერ შეაყვარა, ფრანგულ ფეხბურთში 2023 წელს დაბრუნდა. "პსჟ"-ში პირველი წელი მისთვის ფეხის მოკიდებისა და ტონუსში დაბრუნების პერიოდი იყო, თუმცა ახლა ყველაფერი შეცვლილია. დემბელე აშკარად არის ერთ-ერთი ფავორიტი ოქროს ბურთის ნომინაციაში, რადგან პსჟ ტრებლის შესრულების შანსს ინარჩუნებს და ამავდროულად, დემბელეს სტატისტიკა შთამბეჭდავია. L'Equipe-თან ინტერვიუში, რონალდინიომ დღეს მოთამაშე ფეხბურთელებს შორის სწორედ ფრანგი გამოარჩია.

ოთხშაბათს, პსჟ-ს ჩემპიონთა ლიგის მეოთხედფინალის პირველი მატჩი "ასტონ ვილასთან" ელოდება. ძირითად შემადგენლობაში: დემბელე, ბარკოლა, კვარაცხელია - ამ შემტევ ტრიოს ვარაუდობენ უეფას ოფიციალური საიტიცა და ევროპული გამოცემებიც. უსმანს მიმდინარე სეზონში, ყველა ტურნირზე, 32 გოლი აქვს გატანილი და 8 საგოლე გადაცემა შესრულებული.