რონალდინიო: "ბრაზილიის ნაკრებში უმრავლესობა საშუალო დონისაა"

მსოფლიო ჩემპიონატის საკვალიფიკაციო ეტაპზე, ბოლო მატჩში, ბრაზილია არგენტინასთან 4:1 განადგურდა და კიდევ ერთხელ დაადასტურა გავრცელებული მოსაზრება, რომ ამ ფორმაციის ბრაზილიის ნაკრები ერთ-ერთი ყველაზე უარესია ისტორიაში. მიუხედავად იმისა, რომ მუნდილზე მათ მოხვედრას არანაირი საფრთხე არ ემუქრება, თამაშის ხარისხი და ისტორიაში უპრინციპულეს მეტოქესთან უსუსური გამოსვლა სამშობლოში "სირცხვილად" შერაცხეს. მატჩს ლეგენდარული რონალდინიოც გამოეხმაურა და საკუთარი ქვეყნის ნაკრები მწვავედ გააკრიტიკა.

2019 წლის შემდეგ, ბრაზილიამ და არგენტინამ 5-ჯერ ითამაშეს, სელესაოს არცერთი შეხვედრა არ მოუგია (4 მარცხი და 1 ფრე). სამხრეთ ამერიკის საკვალიფიკაციო ჯგუფში, საიდანაც მუნდიალზე გამსვლელი ნაკრებები ირკვევა, მხოლოდ არგენტინამ გაინაღდა ძირითად ეტაპზე თამაში, მეორეზე ეკვადორია 23 ქულით, ურუგვაი, ბრაზილია და პარაგვაი კი თანაბარი 21 ქულით მე-3/მე-5 ადგილებს ინაწილებენ.