"რომას ინტერესი გიორგი მიქაუტაძის მიმართ დადასტურდა" - Romapress

"რომას" ინტერესი გიორგი მიქაუტაძის მიმართ დადასტურდა, ინფორმაციას Romapress აქვეყნებს. დედაქალაქური კლუბი შეტევაში გაძლიერებას გეგმავს და გავრცელებული ინფორმაციის თანახმად, 23 წლის ქართველი ფეხბურთელი დე როსის გუნდისთვის ერთ-ერთი ვარიანტია.

ფეხბურთელის შესაძლო ტრანსფერზე მრავალი წყარო წერს, მათ შორის ერთ-ერთი ფრანგული გამოცემა Le10Sport-ია, რომელმაც იტალიური კლუბის ინტერესი დაადასტურა.

სტატიაში აღნიშნულია, რომ გიორგი მიქაუტაძის სატრანსფერო ღირებულება დაახლოებით 25-30 მილიონ ევროს შეადგენს.

"მეცის" ფორვარდს მრავალ კლუბს უკავშირებენ, მაგრამ "მონაკო" ამჟამად ფავორიტია, ასევე არის ვარიანტი, რომ ქართველი ფეხბურთელი "ვესტ ჰემის" ან "ლანსის" რიგებში ვიხილოთ.

შეგახსენებთ, რომ გიორგი მიაუტაძემ ევრო 2024-ზე შესანიშნავად იასპარეზა, ქართველმა ფეხბურთელმა 4 მატჩში 3 გოლი გაიტანა და 1 საგოლე გადაცემა გააკეთა. ის კოდი გაკპოსთან ერთად ტურნირის თანაბომბარდირია.