რომანო: მიქაუტაძე ამსტერდამშია, მხარეებს შორის შეთანხმება მიღწეულია

იტალიელი ჟურნალისტის, ფაბრიციო რომანოს ცნობით, გიორგი მიქაუტაძე ამსტერდამშია და მალე ,,აიაქსთან'' კონტრაქტს მოაწერს ხელს.

როგორც რომანო წერს, ქართველ ფეხბურთელსა და კლუბებს შორის ყველანაირი შეთანხმება მიღწეულია და დღეს ხელშეკრულება  გაფორმდება.

ლიგა 1-ის მიმდინარე სეზონში მიქაუტაძის ანგარიშზე ,,მეცის'' მაისურით ჩატარებულ 3 შეხვედრაში 2 გოლი და 1 საგოლე გადაცემაა.

,,აიაქსი'' ერედივიზიონის 2 ტურის შემდეგ 4 ქულით მე-9 ადგილზეა. გუნდი ევროპა ლიგის საკვალიფიკაციო ეტაპზე ასპარეზობს, სადაც ,,ლუდუგორეცთან'' პირველ მატჩში სტუმრად 1:4 იმარჯვა. ამსტერდამელები მომავალ შეხვედრას ხუთშაბათს, სწორედ ბულგარული კლუბის წინააღმდეგ გამართავენ.