"როგორც იქნა! ბედნიერი ვარ, რომ გუნდს ჩემი გოლით დავეხმარე" - ბუდუ ზივზივაძე

გერმანიის ბუნდესლიგის 25-ე ტურის შეხვედრაში "ჰაიდენჰაიმი" "ჰოფენჰაიმს" ესტუმრა და მატჩი ფრედ 1:1 დასრულდა. 34-ე წუთზე მასპინძელთა მხრიდან ჰარის ტაბაკოვიჩმა ანგარიში გახსნა, ბუდუ ზივზივაძე მატჩში 46-ე წუთზე ჩაერთო და 65-ე წუთზე შესანიშნავი დარტყმით თავისთვის სადებიუტო გოლი გაიტანა და ანგარიში გაათანაბრა.

Sofascore-მა ქართველ ფეხბურთელს ყველაზე მაღალი 8.1 შეფასება დაუწერა.

მატჩის შემდეგ ბუდუმ მედიასთან კომენტარი გააკეთა:

ბუდუ ზივზივაძე ჰაიდენჰაიმში მიმდინარე წლის ზამთარში გადავიდა, მას შემდეგ კი მან 12 მატჩში მიიღო მონაწილეობა, ამ დროში კი 1 გოლი გაიტანა და 1 საგოლე გადაცემა გააკეთა.

"ჰაიდენჰაიმს" ბუნდესლიგის ცხრილში 16 ქულა აქვს და ბოლო, მე-18 ადგილზეა (4 მოგება, 4 ფრე, 17 მარცხი). მომდევნო შეხვედრას ქართველი ფეხბურთელის გუნდი 16 მარტს, 20:30 საათზე ბოლოსწინა ადგილოსან "კილის" წინააღმდეგ ჩაატარებს.