როგორ მიიღო მბაპეს ძმამ წითელი ბარათი?

ჩემპიონთა ლიგის სასტარტო მატჩში, ლილი ბეტისთან 2:3 აგებდა, როდესაც 56-ე წუთზე, ეთან მბაპე, მეტოქის მცველ ნათანისთვის იდაყვის ჩარტყმის გამო მოედნიდან გააძევეს.

შესვენებაზე ფრანგული კლუბი დაწინაურებული გავიდა (2:1) - პირველ ტაიმს ლილი სრულად აკონტროლებდა, თუმცა მეორე ნახევარში ვითარება მკვეთრად შეიცვალა. 49-ე წუთზე მარკ ბარტრამ თავური დარტყმით დუბლი შეასრულა და ანგარიში გაათანაბრა, ხოლო 53-ე წუთზე ტროი პაროტმა ბეტისი წინ გაიყვანა.

მბაპემ, რომელმაც მე-12 წუთზე აიასე უედას საგოლე გადაცემა გაუკეთა, ნათანს იდაყვი ჩაარტყა. VAR-ზე ეპიზოდის გადამოწმების შემდეგ, მთავარმა მსაჯმა, გეორგი კაბაკოვმა, ბეტისის მცველს პროვოკაციისთვის ყვითელი ბარათი უჩვენა, ხოლო ფრანგი ნახევარმცველი მოედნიდან გააძევა.

ლილს ანგარიშის გათანაბრებისთვის საკმარისი დრო კიდევ ჰქონდა, თუმცა რიცხობრივმა უმცირესობამ ამოცანა უკიდურესად გაართულა. მატჩის შემდეგ, კილიან მბაპეს 19 წლის ძმამ, გულშემატკივრებსა და გუნდელებს ბოდიში მოუხადა.