როდრი: "დროა ოქროს ბურთი ესპანელმა ფეხბურთელმა მოიგოს"

ესპანეთმა ევრო 2024 ტრიუმფით დაასრულა. ლუის დე ლა ფუენტეს გუნდმა ფინალში ინგლისი დაამარცხა (2:1) და ისტორიაში მეოთხედ მოიპოვა კონტინენტის საუკეთესოს ტიტული. UEFA-მ ტურნირის საუკეთესო ფეხბურთელად ესპანელთა ნახევარდაცვის ლიდერი, როდრი დაასახელა. საუკეთესო ახალგაზრდა ფეხბურთელი კი ასევე ესპანელი, ლამინე იამალი გახდა. მატჩის შემდეგ, ჟურნალისტებთან როდრიმ ოქროს ბურთის დაჯილდოებაზე ისაუბრა.

ესპანელმა ფეხბურთელმა ოქროს ბურთი ბოლოს 1960 წელს მოიგო - ეს ჯილდო ლუის სუარესმა დაიმსახურა. სუარესი ბარსელონაში 1955 წლიდან 1961 წლამდე თამაშობდა, კატალონიურ კლუბში ჩატარებულ 122 შეხვედრაში სუარესმა 61 გოლი გაიტანა.