რობერტ ლევანდოვსკი: "პოლონელებს არასრულფასოვნების კომპლექსი გვაქვს" 

"ნება მომეცით რამდენიმე სიტყვა გითხრათ პოლონელი ხალხის შესახებ. ცერემონიის დაწყებამდე ვიცოდი, რომ მშვენიერი წელი მქონდა მიუნხენის "ბაიერნთან" ერთად. ვიცოდი, რომ პრიზის მოპოვება შემეძლო და ალბათ ვიმსახურებდი კიდეც, მაგრამ ჩვენ, პოლონელებს, არასრულფასოვნების კომპლექსი გვაწუხებს. ჩვენი თანამემამულეები არასოდეს არიან აღიარებულნი როგორც მსოფლიოს საუკეთესო ფეხბურთელები. ბავშვობაში ჩვენ არ გვყავდა სუპერვარსკვლავი, რომელსაც ეტალონად, წარმატების მწვერვალის განსაზღვრებად მივიჩნევდით. სკაუტებს ყოველთვის აქვთ მსგავსი ფრაზები: "ის საკმაოდ ნიჭიერია, პოლონელი ბავშვის კვალობაზე". ასე რომ, ჩვენ ყოველთვის გვაქვს, განცდა, რომ არავინ არ არის საკმარისად კარგი და რომ ვერავინ მიაღწევს მაღალ დონეს.

---

არავინ ელოდება, რომ პოლონელი ბავშვები მსოფლიოში საუკეთესოები გახდებიან. ასეთ შემთხვევას უბრალოდ არ უშვებენ. ასე რომ, არ მჯეროდა, რომ პრიზი მივიღე. მე ვიცი, რომ ხალხს ასეთი სიტყვები კლიშეებად მიაჩნია, მაგრამ მთელი ცხოვრება ნამდვილად თვალწინ მიტრიალებდა. გამახსენდა ჩემი პირველი ნაბიჯები ბურთთან, პირველი მატჩები ტალახიან მოედანზე და ყველა, ვინც დამეხმარა, რომ ვყოფილიყავი იქ, სადაც ახლა ვარ", - თქვა ლევანდოვსკიმ.