RMC Sport-ის ჟურნალისტი - პსჟ-ს ხელმძღვანელები კვარაცხელიას წარმომადგენლებს შეხვდნენ

,,ნაპოლის'' შემტევის, ხვიჩა კვარაცხელიას მიმართ ,,პარი სენ ჟერმენის'' ინტერესი დიდია. ინფორმაციას RMC Sport-ის ჟურნალისტი, ფაბრის ჰოკინსი ავრცელებს.

წყაროს ცნობით, პარიზული გუნდის ხელმძღვანელობასა და ფეხბურთელის გარემოცვას შორის მოლაპარაკებები შესაძლო ტრანსფერის შესახებ უკვე შედგა. ჰოკინსი იმასაც წერს, რომ შეთანხმება კლუბებს შორის ჯერჯერობით მიღწეული არ არის.

ინფორმაცია კვარაცხელიასადმი ,,პსჟ-ს'' დაინტერესებაზე ჯერ კიდევ რამდენიმე თვის წინ გავრცელდა. იტალიური მედიის მტკიცებით, ნეაპოლელები 23 წლის ქართველის სანაცვლოდ 100 მილიონ ევროზე მეტს მოითხოვენ, თუმცა ხვიჩას გაყიდვა კლუბის პრეზიდენტის, აურელიო დე ლაურენტისის გეგმებში არ შედის.

მიმდინარე სეზონში კვარას ანგარიშზე ,,ნაპოლის'' მაისურით ჩატარებულ 42 შეხვედრაში 10 გოლი და 9 საგოლე გადაცემაა.