რივალდომ რაფინია გააკრიტიკა | "თუ არ შეგიძლია, ნუ იმუქრები"

ლეგენდარულმა ბრაზილიელმა ფეხბურთელმა - რივალდომ, არგენტინასთან 1:4 განადგურების შემდეგ, რაფინიას მიმართა და აღნიშნა, რომ მეორედ უაზრო მუქარები აღარ გააკეთოს.

კერძოდ - საქმე ეხება რაფინიას მუქარას არგენტინასთან მატჩის წინ, სადაც ის ამბობდა, რომ არგენტინას გოლსაც გაუტანდა, მოედანზე სისხლის ბოლო წვეთამდე იბრძოლებდა და თუ საჭირო იქნებოდა, მოედანს გარეთაც იბრძოლებდა, თუმცა სურათი რადიკალურად სხვანაირი იყო მატჩის მიმდინარეობისას.

განვლილი 14 ტურის შემდეგ, არგენტინის ნაკრები პირველ პოზიციას 31 ქულით იკავებს და მათ მსოფლიო ჩემპიონატზე ასპარეზობა გაინაღდეს. მეორე პოზიციას ეკვადორის ნაკრები იკავებს, მესამეს ურუგვაი, ხოლო ბრაზილიის ნაკრები მე-4 პოზიციაზე იმყოფება.