დაბრუნება 26 თვის შემდეგ - პოლ პოგბა რენის წინააღმდეგ ითამაშებს
32 წლის ფრანგი მსოფლიო ჩემპიონი - პოლ პოგბა, 26-თვიანი პაუზის შემდეგ მოედანს უბრუნდება. მონაკოს მწვრთნელმა დაადასტურა, რომ ის გუნდურ ვარჯიშებს დაუბრუნდა და დიდხნიანი პაუზის შემდეგ მოედანზე დასაბრუნებლად სრულ მზადყოფნაშია.
🚨🇫🇷 𝐁𝐑𝐄𝐀𝐊𝐈𝐍𝐆 | Paul Pogba (32) will be available to play for Monaco this weekend against Rennes, reports @lequipe! ✅
— EuroFoot (@eurofootcom) November 19, 2025
After 26 months away, Pogba is set to make his return to the field! ✨ pic.twitter.com/79IATQd9AE
პოგბა 22 ნოემბერს, ლიგა 1-ის მე-13 ტურში რენის წინააღმდეგ დაბრუნდება და გუნდის მთავარი მწვრთნელი მას სათამაშო განაცხადში შეიყვანს.
დოპინგ-ტესტზე ჩავარდნის გამო, პოგბას 2023 წლის სექტემბრის შემდეგ არ უთამაშია. ფრანგი ფეხბურთელი თავდაპირველად 4-წლიანი დისკვალიფიკაციით დაისაჯა, რაც სარჩელის შეტანის შემდეგ, 18 თვემდე შემცირდა.
32 წლის ნახევარმცველი მონაკოს ივნისში თავისუფალი აგენტის სტატუსით შეუერთდა და კლუბთან 2-წლიანი კონტრაქტი გააფორმა.
სხვა სტატიები
