რეკორდმაისტერის მთავარი სამიზნე - გირასი შტუტგარტს ტოვებს?!

27 წლის სერუ გირასი "შტუტგარტის" დატოვების ზღვარზეა. გავრცელებული ინფორმაციით, გირასის შეძენა "რეკორდმაისტერს" სურს.

ტრანსფერის განხორციელების ალბათობას ის გარემოებაც ზრდის, რომ იანვარში "ბაიერნი" გაძლიერებასა და 2 ფეხბურთელის დამატებას გეგმავს. ვრცელდება ინფორმაცია, რომ "ბაიერნი" გვინეელი შემტევის სანაცვლოდ, 15 მილიონ ევროს გადაიხდის.

ბუნდესლიგის მიმდინარე სეზონში გირასი ბრწყინვალედ ასპარეზობს და "შტუტგარტის" მაისურით ჩატარებულ 14 მატჩში, 17 გოლის გატანა შეძლო.