რეალს ლა ლიგაში 36-მატჩიანი დაუმარცხებელი სერია აქვს

ესპანეთის ჩემპიონატის მე-4 ტურში მადრიდის "რეალმა" "ბეტისი" მიიღო და მეტოქე კილიან მბაპეს დუბლით - 2:0 დაამარცხა. ფრანგი თავდამსხმელისთვის ეს პირველი გოლები იყო ესპანეთის ჩემპიონატში. აღსანიშნავია, რომ რეალი გამორჩეულ სვლას აგრძელებს, სამეფო კლუბი, ესპანეთის ჩემპიონატში, ბოლოს, წინა წლის 24 სექტემბერს, "ატლეტიკოსთან" (1:3) დამარცხდა, მას შემდეგ კი გუნდს 36-მატჩიანი წაუგებელი სერია აქვს (26 მოგება და 10 ფრე). რეალის წინა რეკორდი 30 წაუგებელი მატჩისგან შედგებოდა, დედაქალაქის კლუბმა 1988 წლის მაისიდან 1989 წლის აპრილამდე არ წააგო.

ზედიზედ წაუგებელი მატჩების რაოდენობით, რეკორდი "ბარსელონას" ეკუთვნის, კატალონიელებმა ბრწყინვალე მიღწევა 2017 წლის 8 აპრილიდან, 2018 წლის 13 მაისამდე დააფიქსირეს, სადაც გუნდმა ჩემპიონატის 43 თამაში არ წააგო.

რეალის მომდევნო მეტოქე 14 სექტემბერს, "რეალ სოსიედადი" იქნება. სამეფო კლუბი სტუმრად ითამაშებს.