რეალმა ატლეტიკოს მოუგო - რა ვნახეთ მადრიდულ დერბიში?

ლა ლიგის 29-ე ტურში მადრიდული დერბი შედგა. რეალმა ატლეტიკოს უმასპინძლა და 3:2 დაამარცხა - დერბის ჰქონდა ყველაფერი, რითაც ეს მატჩი ფასობს: ულამაზესი გოლები, დაძაბულობა, წითელი და მსაჯობის განხილვა.

პირველი ტაიმი სტუმრებმა 0:1 მოიგეს - ადემოლა ლუკმანმა ჯოვანი სიმეონეს ბრწყინვალე გადაცემა გამოიყენა და ატლეტიკო დააწინაურა. მეორე ტაიმის 3-წუთიან მონაკვეთში (52-55 წუთი) რეალმა უკვე წინ გასვლა მოახერხა, ჯერ ვინისიუსმა გაიტანა პენატით, შემდეგ კი ფედე ვალვერდემ გააკეთა ის, რაც ბოლო შეხვედრებში ყველაზე უკეთ გამოსდის - ურუგვაელმა ბოლო 5 თამაშში მეექვსედ გაიტანა.

66-ე წუთზე ნაველ მოლინამ შორიდან გაისროლა და ანგარიში გაათანაბრა. მოლინამ ხეტაფესთან, 28-ე ტურის შეხვედრაშიც საოცარი სილამაზის გოლი გაიტანა. მატჩის ბედი ბრაზილიელმა ვინგერმა გადაწყვიტა - ვინისიუსმა თავის სტილში, შორეულ კუთხეში გაახვია გამარჯვების მომტანი ბურთი.

77-ე წუთზე ფედე ვალვერდემ პირდაპირ წითელი ბარათი მიიღო და მასპინძლები 10 კაცით დატოვა, თუმცა სამეფო კლუბმა მოგება ხელიდან აღარ გაუშვა.

საკუთარი მატჩი მოიგო ბარსელონამაც (რაიო ვალეკანოსთან/1:0) - ლა ლიგას სწორედ კატალონიელები ლიდერობენ 73 ქულით. მეორეზე რეალია და ბარსას 4 ქულით ჩამორჩება, ატლეტიკო კი მეოთხეზეა და ვილიარეალს 1 ქულით ჩამორჩება.