რა შეფასება დაიმსახურეს ქართველმა ფეხბურთელებმა ჩემპიონთა ლიგის ბოლო ტურში?

ჩემპიონთა ლიგის ბოლო ტურში ოთარ კიტეიშვილის ,,შტურმმა'' ,,ლაიფციგის'' დამარცხება შეძლო და ევროტურნირი 2 გამარჯვებით, 30-ე პოზიციაზე დაასრულა. კიტე ავსტრიული გუნდის ძირითად შემადგენლობაში იყო და მატჩი სრულად ჩაატარა.

კვლავ ძირითად თერთმეტეულში, 90 წუთი ითამაშა ,,სლოვან ბრატისლავას'' მცველმა, გურამ კაშიამ. ქართველი ფეხბურთელის გუნდი მიუნხენის ,,ბაიერნთან'' 1:3 დამარცხდა.

ზედიზედ მე-2 შეხვედრაში ,,შახტარის'' სასტარტოში იყო ირაკლი აზაროვი, რომელმაც მოედანი 72-ე წუთზე დატოვა. დონეცკურ გუნდს მომდევნო ეტაპზე გასვლის მინიმალური შანსი ჰქონდა, თუმცა ,,დორტმუნდთან'' სტუმრად 1:3 წააგო და საბოლოოდ, სატურნირო ცხრილში 27-ე ადგილი დაიკავა.

ოთარ კიტეიშვილის შეფასება:

Whoscored - 7.2

Sofascore - 7.3

Flashscore - 6.8

გურამ კაშიას შეფასება:

Whoscored - 7.2

Sofascore - 7.3

Flashscore - 6.6

ირაკლი აზაროვის შეფასება:

Whoscored - 6.4

Sofascore - 6.6

Flashscore - 6.7