რა შეფასება დაიმსახურა ოთარ კიტეიშვილმა ატალანტასთან მატჩში?

ევროპა ლიგის ჯგუფური ეტაპის მე-3 ტურში ,,შტურმმა'' ,,ატალანტას'' უმასპინძლა. მატჩი ფრედ, ანგარიშით 2:2 დასრულდა.

ავსტრიული გუნდის ძირითად შემადგენლობაში იყო ოთარ კიტეიშვილი, რომელმაც 62 წუთი ითამაშა და საგოლე გადაცემა მიითვალა.

ქართველმა ფეხბურთელმა Sofascore-სგან 7.2-ქულიანი შეფასება დაიმსახურა, რითაც საკუთარ გუნდში მხოლოდ მეკარეს ჩამორჩა.

კიტეიშვილმა, რომელიც ბურთს სულ 33-ჯერ შეეხო, კარისკენ ერთხელ დაარტყა, 23-დან 18 ზუსტი გადაცემა გააკეთა (78%) და 5-დან 4 დუელი მოიგო.

Whoscored-მა კიტეს თამაში 6.9 ქულით შეაფასა (მეტი მხოლოდ ორმა ფეხბურთელმა დაიმსახურა).

D ჯგუფის 3 ტურის შემდეგ ,,შტურმს'' 4 ქულა აქვს და მესამე ადგილზეა. კიტეიშვილის გუნდი ევროტურნირის მომავალ შეხვედრას 10 ნოემბერს, ,,ატალანტასთან'' სტუმრად გამართავს.