რა შეფასება დაიმსახურა გურამ კაშიამ მილანთან მატჩში?

ჩემპიონთა ლიგის მე-5 ტურის შეხვედრაში ,,სლოვან ბრატისლავამ'' ,,მილანს'' უმასპინძლა და 2:3 დამარცხდა.

სლოვაკური გუნდის ძირითად შემადგენლობაში ითამაშა გურამ კაშიამ, რომელმაც მატჩი სრულად ჩაატარა.

კაშიამ Sofascore-სგან 6.9-ქულიანი შეფასება მიიღო, რითაც მხოლოდ 2 თანაგუნდელს ჩამორჩა. 37 წლის ფეხბურთელმა, რომელიც ბურთს სულ 44-ჯერ შეეხო, კარისკენ ერთხელ დაარტყა, 13-დან 9 დუელი მოიგო და 25-დან 17 (68%) ზუსტი გადაცემა გააკეთა.

6.7 ქულით შეაფასა კაშიას თამაში Whoscored-მა, 6.8-ით კი - Flashscore-მა.

,,სლოვან ბრატისლავა'', რომელიც 5 ტურის შემდეგ უქულოდაა და ბოლო ადგილზეა, ჩემპიონთა ლიგის მომავალ შეხვედრას 11 დეკემბერს, ,,ატლეტიკოს'' წინააღმდეგ გამართავს.