რა შეფასება დაიმსახურა გიორგი გველესიანმა ალ ნასრთან შეხვედრაში?
5 თვის წინ
ფეხბურთი
1 წთ
აზიის ჩემპიონთა ლიგის E ჯგუფის მე-5 ტურის შეხვედრაში კრიშტიანუ რონალდუს ,,ალ ნასრმა'' ,,პერსეპოლისს'' უმასპინძლა. მატჩი ფრედ, ანგარიშით 0:0 დასრულდა.
ირანული გუნდის ძირითად შემადგენლობაში ითამაშა გიორგი გველესიანმა, რომელმაც მოედანზე 90 წუთი გაატარა და Sofascore-სგან 7,5-ქულიანი შეფასება დაიმსახურა.
ქართველმა მცველმა, რომელიც ბურთს სულ 59-ჯერ შეეხო, კარისკენ ერთხელ დაარტყა, 46-დან 43 ზუსტი გადაცემა (93%) გააკეთა, და 10-დან 7 დუელი მოიგო.
5 ტურის შემდეგ, ,,ალ ნასრმა'' 13 ქულით პლეი-ოფის საგზური გაიფორმა, ,,პერსეპოლისი'' კი 8 ქულით ჯგუფიდან გასვლის შანსს ინარჩუნებს.
გველესიანის გუნდი ჩემპიონთა ლიგის მომავალ მატჩს 5 დეკემბერს, ,,ალ დუჰაილის'' წინააღმდეგ გამართავს.
🔴 پایان بازی و تساوی در ریاض pic.twitter.com/RK7FJM6043
— Persepolis (@PersepolisFC) November 27, 2023