"რა საჭიროა ზამთარში - თოვლსა და წვიმაში თამაში?" - დე ლაურენტისი
"ნაპოლის" პრეზიდენტი აურელიო დე ლაურენტისი უჩვეულო იდეით გამოდის და აღნიშნავს, რომ უმჯობესი იქნება, თუ ევროპაში სეზონი 1 აპრილს დაიწყება და ოქტომბერში დასრულდება.
დე ლაურენტისის აზრით, ამ შემთხვევაში ფეხბურთელებს ზამთრის თოვლიან, წვიმიან და ცივი ამინდებში თამაში არ მოუწევთ. La Repubblica-სთან საუბარში, დე ლაურენტისმა საინტერესო მოსაზრება წამოაყენა.
"იდეა მაქვს. რა საჭიროა ფეხბურთის თამაში ზამთრის თოვლიან, წვიმიან და სეტყვიან ამინდში? რატომ არ შეიძლება, რომ სეზონი 1 აპრილს დაიწყოს. 7 თვის განმავლობაში, აპრილიდან ოქტომბრის ჩათვლით, ადგილობრივი ჩემპიონატები და ევროტურნირები გაიმართება. ნოემბრიდან მარტის ჩათვლით 5 თვეა იმისთვის, რომ მოთამაშეებმა დაისვენონ და წინასასეზონო მომზადება გაიარონ", - დე ლაურენტისი.
“I have an idea. Why play in the winter with the snow, rain, and hail? Can’t we all start in Europe on April 1st?
— Italian Football TV (@IFTVofficial) May 12, 2023
In 7 months until October you can play the national leagues and the European cups.
From November to March there’s 5 months left to rest the players, do preseason… pic.twitter.com/JdX4bN8NzX
შეგახსენებთ, 33-წლიანი პაუზის შემდეგ, დე ლაურენტისის "ნაპოლი" იტალიის სერია A-ს ჩემპიონი გახდა.
სხვა სტატიები
