"პრობლემა მწვრთნელში არ არის" - ალესანდრო დელ პიერო
იტალიის სერია A-ს მე-8 ტურის შეხვედრაში ლაციომ იუვენტუსი 1:0 დაამარცხა. ტურინულ გუნდს ცუდი პერიოდი უდგას, მათ ყველა ტურნირის ეგიდით ბოლო 8 მატჩში 5 ფრე და 3 მარცხი აქვთ.
იტალიურ წყაროებში ბოლო დროს ხშირად იწერება იუვენტუსის მთავარი მწვრთნელის, იგორ ტუდორის გათავისუფლების შესახებ, სწორედ აღნიშნულ საკითხზე Sky Sports-თან ისაუბრა ლეგენდარულმა იტალიელმა ფეხბურთელმა ალესანდრო დელ პიერომ.
პრობლემა მწვრთნელში არ არის, საქმე უფრო რთულადაა და ეს მთლიანად შემადგენლობას ეხება. გუნდი ლაციოსთან წაგებას არ იმსახურებდა, ფრე უფრო სამართლიანი შედეგი იქნებოდა. იუვენტუსი რეალ მადრიდის წინააღმდეგაც არ გამოიყურებოდა ცუდად, პრობლემა კომოსთან ჩატარებულ შეხვედრაში ყველაზე კარგად გამოჩნდა.
ნებისმიერ შემთხვევაში, თუნდაც სხვა მწვრთნელით, ეს გუნდი სკუდეტოს მაინც ვერ მოიგებდა. მწვრთნელს ჯერ ძირითადი თერთმეტეული არ ჰყავს, მაგრამ ეს იმიტომ არ ხდება, რომ ტუდორს არ სურს მისი პოვნა, არამედ იმიტომ, რომ რამდენიმე მოთამაშის გარდა, სხვებს სტაბილურად და თანმიმდევრულად თამაში უჭირთ. თუ იტალიისა და ევროპის საუკეთესო გუნდებს დააკვირდებით, მათ მეტ-ნაკლებად ჰყავთ რეგულარული თერთმეტეული, რომლებიც თამაშს ძირითადი შემადგენლობიდან იწყებენ. - ალესანდრო დელ პიერო
Alex Del Piero to Sky: "Juventus doesn't have a coaching problem, but a more complex one: the team isn't cohesive. We still don't have a starting 11 because many players are struggling to perform consistently. Even with another manager in place of Tudor, Juve aren't a Scudetto… pic.twitter.com/GKg82DBEPD
— Around Turin (@AroundTurin) October 26, 2025
იუვენტუსი სერია A-ს ცხრილში 12 ქულით მე-8 ადგილზეა (3 მოგება, 3 ფრე, 2 მარცხი), ჩემპიონთა ლიგაზე კი ტურინული გუნდი მოგების გარეშეა და 2 ქულით (2 ფრე, 1 მარცხი) 25-ე პოზიციას იკავებს.
.70.webp)
სხვა სტატიები
