პრემიერ ლიგის "წლის გუნდი" ცნობილია

2 წლის წინ ფეხბურთი

2 წთ

PFA-მ პრემიერ ლიგის წლის საუკეთესო თერთმეტეული დაასახელა. კრიშტიანუ რონალდუ პრემიერ ლიგის წლის საუკეთესო თერთმეტეულშია, თუმცა ამ სიაში კორეელი ჰეუნ-მინ სონი ვერ მოხვდა. რონალდუმ, მანჩესტერში დაბრუნების შემდეგ, 30 თამაშში 18 გოლი გაიტანა. ხუთგზის ოქროს ბურთის გამარჯვებულმა, სიმბოლურ თერთმეტეულში, ცენტრალური თავდამსხმელის პოზიცია დაიკავა. მაგრამ, გულშემატკივრების ნაწილი ფიქრობს, რომ ეს ადგილი "ტოტენჰემის" კორეელ შემტევს სონს ეკუთვნოდა. მან პრემიერ ლიგის გასულ სეზონში 23 გოლი გაიტანა და ოქროს ბუციც დაიმსახურა.

აღსანიშნავია, რომ სიმბოლურ გუნდში "ლივერპულის" ექვსი ფეხბურთელი მოხვდა: მოჰამედ სალაჰი, სადიო მანე, ალისონ ბეკერი, ვირჯილ ვან დაიკი, ტრენტ ალექსანდერ-არნოლდი და ტიაგო ალკანტარა. პრემიერ ლიგის გამარჯვებულ "მანჩესტერ სიტის" რიგებიდან, სამმა ფეხბურთელმა დაიმსახურა ადგილი საუკეთესო თერთმეტეულში: კევინ დე ბრუინმა, ჟოაუ კანსელუმ და ბერნარდუ სილვამ.

"ჩელსის" ცენტრალური მცველის, ანტონიო რუდიგერის, კარგი თამაში უყურადღებოდ არ დარჩენილა და მანაც მოიპოვა დამსახურებული ადგილი საუკეთესო თერთმეტეულში.

პრემიერ ლიგის საუკეთესო XI

მეკარე

ალისონი - "ლივერპული"

მცველები

ტრენტ ალექსანდერ-არნოლდი - "ლივერპული" ვირჯილ ვან დაიკი - "ლივერპული" ანტონიო რუდიგერი - "ჩელსი" ჟოაუ კანსელუ - "მანჩესტერ სიტი"

ნახევარმცველები

კევინ დე ბრუინი - "მანჩესტერ სიტი" ტიაგო ალკანტარა - "ლივერპული" ბერნარდუ სილვა - მანჩესტერ სიტი"

შემტევები

სადიო მანე - "ლივერპული" კრიშტიანუ რონალდუ - "მანჩესტერ იუნაიტედი" მოჰამედ სალაჰი - "ლივერპული"

ლევან ტალახაძე

სხვა სტატიები

კლოპი: ,,ფეხბურთელებისთვის, რომლებმაც მუნდიალზე ითამაშეს, სეზონი წარმოუდგენლად გადატვირთული იქნება''

პრემიერ ლიგაში VAR სისტემაში ცვლილებების შეტანა გადაწყვიტეს