პოგბა: ჩემი მიზანია ვაჩვენო "მანჩესტერს", რომ მათ შეცდომა დაუშვეს...

"მანჩესტერ იუნაიტედისა" და პოლ პოგბას ექვსწლიანი ურთიერთობა დასარსულდა პოგბა ინგლისურ კლუბში 2016 წელს £80 მილიონის სანაცვლოდ გადავიდა . 226 შეხვედრაში ფრანგმა 39-ჯერ მოახერხა მეტოქის კარის აღება. "მანჩესტერ იუნაიტედმა" რამდენჯერმე შესთავაზა ნახევარმცველს ახალი კონტარქტი, თუმცა შეთანხმება არ შედგა. პოლ პოგბა კლუბს თავისუფალი აგენტის სტატუსით დატოვებს. ამ ზაფხულს პოგბაზე ახალი დოკუმენტური ფილმი გამოვა. ნაშრომის სახელი "Pogmentary" იქნება და მისი ხილვა 17 ივნისიდან შეგვეძლება. ფილმში ერთი მომენტია, სადაც ვხედავთ, როგორ საუბრობენ პოგბა და მისი ყოფილი აგენტი, მინო რაიოლა, ახალ კონტრაქტზე. "მანჩესტერ იუნაიტედი" ფრანგს კვირაში £300 ათასს სთავაზობდა. როგორც ჩანს, ეს შეთავაზება პოგბასთვის და რაიოლასთვის საკმარისი არ აღმოჩნდა.

პოგბა: "მანჩესტერმა მეორე შეთავაზება გააკეთა?" რაიოლა: „დიახ. მათ ძალიან უნდათ, რომ დარჩე. მე მათ ვუთხარი : "თუ გსურთ, რომ ის დარჩეს, არ გააკეთოთ ეს შეთავაზება". თუ მათ ძალიან სურთ შენს ირგვლივ პროექტის აშენება, ამჯერად სხვაგვარად უნდა მოიქცნენ და ფული მაგიდაზე დადონ“. პოგბა: იტყუებიან. როგორ შეგიძლია უთხრა მოთამაშეს, რომ მისგან აბსოლუტურად ყველაფერი გსურს და არაფერი შესთავაზო? ასეთი რამ არასდროს მინახავს. ”

რაიოლა პოგბას მის სამომავლო გეგმებზეც ესაუბრებოდა. აგენტი, რომელიც აპრილში გარდაიცვალა, ფიქრობდა, რომ პოგბას რაღაც აბრკოლებდა.

რაიოლა: „რა არის შენთვის საუკეთესო? რა არის საუკეთესო შენი ოჯახისთვის, შენი კარიერისთვის? რა არის საუკეთესო ეკონომიურად? რა არის საუკეთესო შენი ბრენდისთვის? ჩვენ უნდა ვეცადოთ, რომ თავი ისევე კარგად იგრძნო, როგორც საფრანგეთის ნაკრებში ყოფნისას. შენ სხვა პოგბა ხარ "მანჩესტერ იუნაიტედის" რიგებში. ეს არ არის ნორმალური. საფრანგეთის ნაკრებთან ერთად შენ ნამდვილი პოგბა ხარ, იუვენტუსის პოგბა, პოგბა, რომელიც ყველას უყვარს. მანჩესტერში რაღაც გბლოკავს." პოგბა: ჩემი მიზანია ვაჩვენო "მანჩესტერს", რომ მათ შეცდომა დაუშვეს, როცა არ იჩქარეს კონტრაქტის მოცემა. სხვა კლუბებს მინდა ვაჩვენო , რომ მანჩესტერმა შეცდომა დაუშვა, როცა კონტრაქტი არ შემომთავაზა.

რაც არ უნდა იფიქროთ პოგბაზე, მომავალი დოკუმენტური ფილმი საკმაოდ საინტერესო იქნება.

პოგბა: ჩემი მიზანია ვაჩვენო "მანჩესტერს", რომ მათ შეცდომა დაუშვეს...

სხვა სტატიები