პოჩეტინოსა და ჩელსის შორის მოლაპარაკებები დასკვნით ფაზას უახლოვდება
ფაბრიციო რომანოს მიერ გავრცელებული ინფორმაციის თანახმად, "ჩელსისა" და მაურისიო პოჩეტინოს შორის მოლაპარაკებები დასკვნით ფაზას უახლოვდება. ჟურნალისტის თქმით, ბოლო პოზიტიური ნაბიჯები ბოლო 24 საათში გადაიდგა. ეს არ ნიშნავს, რომ მხარეებს შორის შეთანხმება მიღწეულია, თუმცა, ყველაფერი კარგად მიმდინარეობს და დიდი ალბათობით პოჩეტინო "ჩელსის" ჩაიბარებს.
Understand talks between Chelsea and Mauricio Pochettino are moving forward to the final stages — positive contacts took place in the last 24h. 🚨🔵 #CFC
— Fabrizio Romano (@FabrizioRomano) May 12, 2023
Nothing signed/done yet — but finally advancing waiting on the next steps. pic.twitter.com/ISCXRyy6Yh
ამჟამად, "არისტოკრატებს" სათავეში ფრენკ ლამპარდი უდგას, რომელიც აღნიშნულ პოზიციაზე სეზონის ბოლომდე იქნება. შეგახსენებთ, რომ კლუბის ყველა დროის საუკეთესო ბომბარდირი “ჩელსის” 2019 წლიდან 2021 წლამდე უკვე ხელმძღვანელობდა და გუნდი მოედანზე 84 მატჩში გაიყვანა, საიდანაც 44 მოიგო, 15 ფრედ დაასრულა და 25-ში დამარცხდა.
მიმდინარე სეზონი "ჩელსისთვის" არც ისე სახარბიელოდ წარიმართა. 34 ჩატარებული შეხვედრის შემდეგ, ლონდონელებს მხოლოდ 42 ქულა აქვს და მე-11 პოზიციას იკავებენ.
სხვა სტატიები
