"პირველ ტაიმში ჰეთ-თრიქს შევასრულებ და შემცვალე" - სამუელ ეტო'ო სიცრუეში გამოიჭირეს

კამერუნის ეროვნული ნაკრებისა და ინტერის ყოფილი ფეხბურთელი სამუელ ეტო'ო ერთ-ერთ პოდკასტში (The Bridge) იმყოფებოდა და მილანურ კლუბში გატარებული პერიოდი გაიხსენა. ლეგენდარულმა ვეტერანმა ყველასთვის უცნობი ის დღე გაიხსენა, რომელიც დღემდე არასდროს გახმაურებულა.

მთავარი ამბავი კი ასეთია - ოფიციალური მონაცემებით სამუელ ეტო'ოს მილანის ინტერში მხოლოდ ერთი ჰეთ-თრიქი აქვს შესრულებული ისიც ბრემენის ვერდერის წინააღმდეგ ჩემპიონთა ლიგის ჯგუფურ ეტაპზე, როდესაც გუნდს რაფა ბენიტესი წვრთნიდა, ამას ისიც ემატება, რომ გერმანულ გუნდთან ეტო'ო-მ გოლები 21-ე, 27-ე და 81-ე წუთებზე გაიტანა და 90 წუთი ითამაშა. აქედან გამომდინარე პირველი ტაიმის შემდეგ ის არ შეუცვლიათ. როგორც ჩანს კამერუნელი ფეხბურთელი ზემოხსენებულ ისტორიას იგონებს და ეს ყველაფერი სიმართლეს არ შეესაბამება.