პირადი რეკორდები, რომელიც საქართველოს ნაკრებმა სომხეთთან მატჩში დაამყარა

ერთა ლიგის B დივიზიონის პლეი-ოფის პირველ მატჩში, საქართველოს ეროვნულმა ნაკრებმა სომხეთი ერევანში 0:3 დაამარცხა. "ჯვაროსნების" შემადგენლობიდან, თავი გიორგი მიქაუტაძემ (დუბლი) და გიორგი ქოჩორაშვილმა გამოიჩინეს, შესაბამისად საპასუხო მატჩს "დინამო არენაზე" ლაღად ვხვდებით.

სომხეთთან გამარჯვების მომტან მატჩში, საქართველოს ნაკრების ფეხბურთელებმა, ქართული ფეხბურთის ისტორიაში რამდენიმე რეკორდი დაამყარეს.

• გიორგი მამარდაშვილი, საქართველოს ეროვნული ნაკრების ისტორიაში პირველი მეკარე გახდა, რომელმაც საგოლე გადაცემის შესრულება შეძლო.
  
  

• ასევე, მამარდაშვილმა ზედიზედ მე-17 სანაკრებო თამაში დაიწყო ძირითად შემადგენლობაში, რაც აქამდე არცერთ ეროვნული ნაკრების მეკარეს არ გაუკეთებია.

• გიორგი მიქაუტაძე, საქართველოს ეროვნული ნაკრების ბომბარდირთა დავაში მეორე პოზიციაზე გადაინაცვლა (გადაუსწრო თემურ ქეცბაიასა და ხვიჩა კვარაცხელიას, პირველ პოზიციაზე კი შოთი არველაძეა).

  
  

• გიორგი მიქაუტაძე პირველი ქართველი ფეხბურთელია, რომელმაც ბოლო 20 წლის განმავლობაში, სტუმართა მოედანზე დუბლი შეასრულა.
  
  

• ვილი სანიოლი, საქართველოს ეროვნული ნაკრების ისტორიაში პირველი მწვრთნელია, რომელმაც 20 თამაშის მოგება შეძლო.

პლეი-ოფის მომდევნო და გადამწყვეტი შეხვედრა 23 მარტს თბილისში გაიმართება, მატჩის დაწყების დრო 18:00 საათია.