ფეხბურთელზე ფიზიკური ძალადობის გამო მსაჯმა 15 მატჩიანი დისკვალიფიკაცია მიიღო

გუშინ მექსიკის ლიგაში ერთმანეთს "ამერიკა" და "ლეონი" დაუპირისპირდნენ. მატჩი ფრედ 1:1 დასრულდა, თუმცა ყველაზე საინტერესო ამ შეხვედრაში ეს არ ყოფილა.

66-ე წუთზე, მაშინ როცა "ლეონის" ფეხბურთელები ჩათვლილ გოლს აპროტესტებდნენ, მატჩის მთავრმა არბიტრმა ერთ-ერთ ფეხბურთელს ფეხი ჩაარტყა.

ასეთი ქმედების გამო, ფერნანდო ერნანდესს სასჯელის სახით, 15 მატჩიანი დისკვალიფიკაცია და 50 ათასზე მეტი მექსიკური პესოს გადახდა მოუწევს.