პეპ გვარდიოლა: "დე ბრუინე კლუბს არ დატოვებს"

"მანჩესტერ სიტის" მწვრთნელმა, პეპ გვარდიოლამ განაცხადა, რომ მსოფლიოს ერთ-ერთი საუკეთესო ნახევარმცველი, კევინ დე ბრუინე, მომავალ სეზონში კლუბში დარჩება. ზაფხულში ბელგიელის საუდის არაბეთში ტრანსფერს მაღალი ალბათობით განიხილავდნენ, თანაც იმ ფონზე, რომ კევინმა თავად განაცხადა, საუდის პრო ლიგის შეთავაზებას განიხილივდა, რადგან იქ "წარმოუდგენლად მაღალი" ანაზღაურებაა.

ბელგიელს კონტრაქტი მომავალ ზაფხულს უმთავრდება, თუ ფეხბურთელს წასვლა აქვს გადაწყვეტილი, ლოგიკურია, რომ თავისუფალ აგენტობამდე, გუნდს მისი რაც შეიძლება მაღალ ფასად გაყიდვა სურდეს, თუმცა ეს მანჩესტერ სიტის ინტერესებში არაა. გასულ სეზონში, კევინ დე ბრუინემ სეზონის პირველი ნაწილი ტრავმის გამო გამოტოვა, თუმცა დაბრუნების შემდეგ, უდიდესი როლი ითამაშა ქალაქელებისთვის ზედიზედ მეოთხე პრემიერლიგური ტიტულის მოპოვებაში. ბრაზილიელი მეკარეს, ედერსონსაც საუდის არაბეთს უკავშირებდნენ, თუმცა პეპს იგივე შემადგენლობის შენარჩუნება უნდა. ამ წუთისთვის სიტის რადარზე "კრისტალ პალასისა" და ინგლისის ნაკრების ფეხბურთული ებერეჩე ეზეა, რომლის დამატებასაც ესპანელი ერთ-ერთ ვარიანტად განიხილავს.