პატრიკ ვიეირა ჯენოას ახალი მწვრთნელია

მატეო მორეტოს მიერ გავრცელებული ინფორმაციის თანახმად, პატრიკ ვიეირა "ჯენოას" ახალი მწვრთნელია. ფრანგმა სპეციალისტმა ალბერტო ჯილარდინო ჩაანაცვლა. ვიეირა საქმეს ამავე კვირაში შეუდგება.

შეგახსენებთ, რომ ბოლოს პატრიკ ვიეირა "სტრასბურში" მუშაობდა. სამწვრთნელო კარიერის განმავლობაში ფრანგმა "სიტის" ახალგაზრდულ გუნდში, "ნიუ იორკ სიტიში", "ნიცაში" და "კრისტალ პალასში" უმუშავია.

"ჯენოას" ჯილარდინოს ხელმძღვანელობის ქვეშ, მიმდინარე სეზონი არც ისე კარგი ჰქონდა. გუნდი მე-17 ადგილზეა და გასავარდნ ზონას მხოლოდ ერთი ქულით უსწრებს.