პარი სენ ჟერმენმა მესის დასჯა გადაწყვიტა
,,პარი სენ ჟერმენი'' მესის ორკვირიანი დისკვალიფიკაციით დასჯის. ინფორმაციას ფაბრიციო რომანო ავრცელებს.
გადაწყვეტილება არგენტინელის საუდის არაბეთში გამგზავრებას უკავშირდება, რომელიც გუნდთან შეთანხმებული არ იყო.
მესი საუდის არაბეთში გუნდის მთავარი მწვრთნელის, კრისტოფ გალტიესა და დირექტორის, ლუიშ კამპუშის ნებართვის გარეშე გაემგზავრა. ფრანგული მედიის ცნობით, არგენტინელმა, რომელიც საუდის არაბეთის ტურისტული ელჩია, ქვეყანაში ვიზიტი აქამდე ორჯერ გააუქმა, ახლა კი იძულებული გახდა, რომ გამგზავრებულიყო.
მიმდინარე სეზონში მესის ანგარიშზე ,,პარი სენ ჟერმენის” მაისურით ჩატარებულ 37 შეხვედრაში 20 გოლი და 19 საგოლე გადაცემაა.
🚨 Paris Saint-Germain have decided to suspend Lionel Messi with immediate effect for two weeks, sources confirm.
— Fabrizio Romano (@FabrizioRomano) May 2, 2023
The suspension will take place now after Messi’s trip to Saudi NOT authorized by the club as per @RMCSport.
Messi side, still waiting on official communication. pic.twitter.com/j223WK2r5Z