პარი სენ ჟერმენმა ბოტაფოგოსთან წააგო | რა შეფასება დაიმსახურა ხვიჩა კვარაცხელიამ?

მსოფლიოს საკლუბო ჩემპიონატის მე-2 ტურში პარი სენ ჟერმენი ბრაზილიურ ბოტაფოგოსთან 0:1 დამარცხდა.

პსჟ-ის ძირითად შემადგენლობაში ითამაშა ხვიჩა კვარაცხელიამ, რომელმაც მოედანზე 90 წუთი გაატარა.

ხვიჩამ Sofascore-სგან 7,8-ქულიანი შეფასება დაიმსახურა, რითაც საკუთარ გუნდში მხოლოდ ვიტინიას ჩამორჩა.

ქართველმა შემტევმა, რომელიც ბურთს სულ 71-ჯერ შეეხო, კარისკენ ხუთჯერ დაარტყა, 13-დან 8 დუელი მოიგო და 47-დან 40 ზუსტი გადაცემა გააკეთა (85%).

პსჟ-ს რიგებში ყველაზე მაღალი - 6,9 ქულით შეაფასა კვარაცხელიას თამაში Whoscored-მა, 6,8-ით კი - Flashscore-მა.

ჯგუფური ეტაპის დასკვნით ტურში პარი სენ ჟერმენის მეტოქე სიეტლ საუნდერსი იქნება. შეხვედრა ორშაბათს, 23 ივნისს გაიმართება.

მიმოხილვა: