პალმეირასის პრეზიდენტი ნეიმარზე: "ჩვენი კლუბი სამედიცინო ცენტრი არაა"

2023 წლის ზაფხულში ნეიმარი საუდის არაბეთის პრო ლიგაში გადავიდა და "ალ-ჰილალს" შეუერთდა. იმავე წლის ოქტომბერში მან მძიმე ტრავმა მიიღო და ფეხბურთი ერთი წლის განმავლობაში არ უთამაშია. გასულ თვეს ბრაზილიელი მინდორს დაუბრუნდა, თუმცა მეორე შეხვედრაშივე კიდევ ერთი ტრავმა მიიღო და ახლა ვარაუდობენ, რომ 4-დან 6 კვირამდე უნდა გაუცდეს.

ცნობილია, რომ დაწყებულია მოლაპარაკებები 32 წლის ფეხბურთელის საუდის არაბეთიდან იანვარში წასვლაზე, მთავარი ფოკუსი ახლა მისი ახალგაზრდობის კლუბ "სანტოსზეა". დადასტურებულია სანტოსის ინტერესიც, ბრაზილიურ კლუბს ძალიან სურს 'ბავშვობაში' გაშვებული ნეიმარის დაბრუნება. საუბარია იმაზეც, რომ თუ სანტოსის ვარიანტი არ გამოვა, ნეიმარი მაინც გადავა რომელიმე ბრაზილიურ კლუბში, თუმცა ერთ-ერთი მათგანი უკვე გამოირიცხა - "პალმეირასის" პრეზიდენტს ნეიმარის ტრანსფერის შესახებ ჰკითხეს, თუმცა მან ასეთი სცენარი გამორიცხა.

ამჟამად ნეიმარი კონცენტრირებულია, რომ ფეხბურთს რაც შეიძლება მალე დაუბრუნდეს. მას 2025 წლამდე დაბრუნება უნდა, რადგან ფეხბურთელის ფიზიკური კონდიციიდან გამომდინარე, ალ-ჰილალმა უნდა გადაწყვიტოს, დაარეგისტრირებს თუ არა ნეიმარს საუდის პრო ლიგაში სეზონის მეორე ნახევრისთვის.